Bərabər İmkanlar:

Dini, dili, etnik mənubiyyətindən, xarici görünüşü və digər xüsusiyyətlərindən asılı olmayaraq bütün namizədlərə hörmətlə yanaşılır. İşə qəbul üçün müraciət edən bütün şəxslər qarşısında bərabər şərtlər irəli sürülür, bərabər müsabiqə şəraiti təşkil olunur və özlərini tanıda bilmələri üçün bərabər imkanlar yaradılır.

Təlabata uyğunluq:

Namizəd seçilərkən namizəddə axtarılan keyfiyyətlər vəzifə təlimatında öz əksini tapmalıdır. İşə qəbul edilən şəxslərin Şirkətin təşkilat fəlsəfəsinə və işgüzar tələblərinə uyğun olması mütləqdir.

Rəy alınması:

Ehtiyac duyularsa işə qəbul prosesinin yekun mərhələsində namizədin əvvəlki iş yerlərindən yazılı və ya şifahi rəy tələb oluna bilər.

 

Yaxın ərazi prioritetliyi;

Namizədlər dəyərləndirilərkən  bərabər səviyyəli namizədlərdən  iş yerinə yaxın yerdə yaşayan namizədə üstünlük verilir.

 

CV-lərin dəyəndirilməsi

CV-lər nəzərdən keçirilərək vakansiya tələbləri və namizədin kriteriyaları müqayisə edilir. Bundan sonra ilk mərhələdən uğurla keçən namizələrlə əlaqə saxlanılır.

Müsahibələr

Namizədlərlə keçirilən ilkin müsahibə zamanı namizədin daha öncə bildirdiyi bilik, bacarıq və təcrübələri ilə bağlı məlumatların doğruluğu bir daha dəqiqləşdirilir.

İlkin müsabiqədə uyğun görülən namizədlər ikinci müsabiqəyə dəvət edilir. Bu müsabiqədə İnsan Resursları nümayəndəsi ilə bərabər vakant iş yeri üzrə müvafiq şöbənin məsul şəxsi də iştirak edir. Namizədə iş təklifi edilib edilməyəcəyi vakant iş yeri üzrə müvafiq şöbənin müdiri ilə İnsan Resursları Müdirinin ortaq qərarından sonra rəhbərliyin təsdiqi ilə məlum olur.

İş təklifi

İnsan Resursları departamenti uyğun görülən və işə qəbul edilməsi qərar verilən namizədə iş təklifi verir. Namizəd iş təklifini qəbul etdiyi halda ondan şirkətin müəyyən etdiyi tibb müəssisəsində tibbi müayinədən keçməsi və qanunvericiliklə müəyyənləşdirilmiş sənədləri hazırlaması tələb edilir.

 

Müraciət etmə qaydaları:

 

Namizədlərdən aşağıda göstərilən qaydada müraciət etmək xahiş olunur:

CV  hr@www.bizimmarket.az  ünvanına göndərilməlidir;

Mövzu hissəsində “vakant vəzifənin adı” qeyd olunmalıdır.

 

Namizədlərin nəzərinə:    

Bu vəzifənin tələblərinə cavab verməyən, yuxarıda qeyd olunan qaydalara riayət etməyən və müəyyən olunmuş son tarixdən gec müraciət edən şəxslərin namizədliyinə baxılmayacaq.